Futbol klubu müflis oldu

Fransada “Ayaçço” klubu iflas proseduruna başlayıb.

TodayPress TV “Le Parisien” nəşrinə istinadən xəbər verir ki, komanda Ayaçço Şəhər Məhkəməsinə müflis olduğu ilə bağlı müraciət edib. 

180 əməkdaş klubdan çıxarılacaq, təlim mərkəzi isə bağlanacaq.

Xatırladaq ki, Fransa Futbol Federasiyası (FFF) 2024/25 mövsümündə Liqa 2-də 12-ci yeri tutan “Ayaçço” klubunun bütün milli yarışlardan kənarlaşdırıldığını açıqlayıb. Klub üçüncü diviziona müraciət edə biləcəyinə ümid edir, lakin FFF-nin qərarından apellyasiya şikayəti vermək üçün bir neçə yüz min avro toplamalıdır.

Namiq HUN