Fernandinyo futbolla vidalaşdı
Braziliya millisinin sabiq futbolçusu Fernandinyo karyerasını bitirib.
TodayPress TV xəbər verir ki, bu barədə “Globo” nəşri məlumat yayıb.
40 yaşlı yarımmüdafiəçi yorulduğunu səbəb gətirərək futbolla vidalaşıb.
Qeyd edək ki, “Atletik Paranaense”ın yetirməsi olan Fernandinyo son olaraq da bu klubda çıxış edib. O, 2005-2013-cü illərdə Donetsk “Şaxtyor”unda, 2013-2022-ci illərdə isə “Mançester Siti”də oynayıb. Futbolçu “şəhərlilər”in heyətində 264 oyuna çıxıb və 20 qol vurub.
Xatırladaq ki, 2011-2019-cu illərdə Braziliya millisində çıxış edən yarımmüdafiəçi 53 oyunda 2 dəfə fərqlənib.
Namiq HUN
