“Əl-Hilal” liderini qorudu: Ruben Neveşlə uzunmüddətli anlaşma
Səudiyyə Ərəbistanının “Əl-Hilal” klubu portuqaliyalı futbolçu Ruben Neveşlə müqavilənin uzadıldığını rəsmən açıqlayıb.
TodayPress TV xəbər verir ki, bu barədə klubun rəsmi saytı məlumat yayıb.
Bildirilir ki, 28 yaşlı yarımmüdafiəçi ilə yeni müqavilə 2029-cu ilin yayına qədər nəzərdə tutulub.
Klubun açıqlamasında vurğulanır ki, Ruben Neveş “Əl-Hilal”ın son illərdə qazandığı uğurlarda mühüm rol oynayıb. Portuqaliyalı futbolçu komanda ilə birlikdə beş titulun qazanılmasına töhfə verib. Bunlar Səudiyyə Ərəbistanı çempionluğu, Kral Kuboku, iki Səudiyyə Superkuboku və Ər-Riyad Mövsümü Kubokudur.
Bundan əlavə, Neveş FIFA Klublararası Dünya Çempionatı–2025 zamanı da “Əl-Hilal”ın uğurlu çıxışında əsas fiqurlardan biri olub. Komanda həmin turnirdə 1/4 final mərhələsinə qədər irəliləyib.
Namiq HUN
