La Liqa qalmaqalı: Mbappe həmkarını müdafiə etdi
“Real”ın hücumçusu Kilian Mbappe La Liqanın 20-ci turunda “Levante” ilə 2:0 hesablı oyundan sonra həmkarı Vinisius Juniyoru azarkeşlərin tənqidindən qorumaq üçün açıq şəkildə müdafiə edib.
TodayPress TV xəbər verir ki, oyunda “kral klubu”nun azarkeşləri braziliyalı hücumçunu hər topa toxunduqda fitlə qınayıblar.
Mbappe deyib:
“Vinisius öz azarkeşləri tərəfindən fitlə qarşılandı? Bu onun günahı deyil. O, fantastik oyunçudur. İnanılmaz bir insandır, onu tanımaq mənim üçün şansdır və onu çox sevirəm. Komandada onu daha yaxşı qorumaq, onu hamıya qarşı tək qoymamaq lazımdır. O, “Real”da tək deyil”.
Qeyd edək ki, Vinisius azarkeşlərin belə münasibət fonunda “Real”ı tərk etmək istəyə bilər.
Namiq HUN
