Daha bir əfsanə futboldan gedir
“Barselona”nın və İspaniya millisinin yarımmüdafiəçisi Serxio Busgets karyerasını başa vurur.
TodayPress TV xəbər verir ki, hazırda “İnter Mayami” klubunun formasını geyinən 37 yaşlı futbolçu bu barədə sosial şəbəkə hesablarında yazıb.
Busgets futbol cameəsinə təşəkkür edib:
“Futbol və hər kəs üçün təşəkkür edirəm. Siz həmişə bu gözəl hekayənin bir parçası olaraq qalacaqsınız”.
Qeyd edək ki, Serxio Busgets peşəkar karyerasına 2008-ci ildə “Barselona”da başlayıb. O, 2023-cü ilin yayına qədər Kataloniya təmsilçisinin formasını geyinib. Daha sonra yarımmüdafiəçi ABŞ-ın “İnter Mayami” klubuna keçib.
Serxio Busgets 143 oyunda İspaniya millisinin şərəfini qoruyub. O, bu görüşlərdə 2 qol vurub və 9 məhsuldar ötürmə edib.
Namiq HUN
