Dağ xizəyindən fiqurlu konkisürməyə: Azərbaycan Olimpiadada!
Azərbaycan XXV Qış Olimpiya Oyunlarında iki idmançı ilə təmsil olunacaq.
TodayPress TV xəbər verir ki, Milan və Kortina-d’Ampezzo şəhərlərində keçiriləcək oyunlarda Azərbaycanın şərəfini dağ xizəyində Anastasiya Papatoma, fiqurlu konkisürmədə isə Vladimir Litvintsev qoruyacaq.
Fiqurlu konkisürmə yarışları 6 fevral, dağ xizəyi üzrə turnir isə 7 fevral tarixində başlayacaq. Hər iki idmançı açılış və bağlanış mərasimlərində Azərbaycan bayrağını daşıyacaq.
Azərbaycan nümayəndə heyətinin şef de-missionu Milli Olimpiya Komitəsinin (MOK) Xarici Əlaqələr İdarəsinin müdiri Anar Bağırov olacaq. Nümayəndə heyəti 5 fevral tarixində İtaliyaya yola düşəcək.
XXV Qış Olimpiya Oyunları körlinq yarışları ilə start götürəcək, açılış mərasimi 6 fevral, oyunlar isə 22 fevral tarixində yekunlaşacaq.
Namiq HUN
