“Cenoa” klubunun baş məşqçisi təyin olundu

İtaliyalı futbol mütəxəssisi Daniele De Rossi “Cenoa” klubunun yeni baş məşqçisi təyin olunub. 

TodayPress TV xəbər verir ki, bu barədə klubun rəsmi saytı məlumat yayıb.

“Futbol klubu “Cenoa” Daniele De Rossinin əsas komandanın baş məşqçisi təyin olunduğunu elan edir. Yeni məşqçi artıq futbolçularla görüşüb və bu gün “Sinyorini” idman mərkəzində ilk məşqini keçirəcək,” – deyə klubun açıqlamasında bildirilib.

Qeyd edək ki, 42 yaşlı De Rossi daha əvvəl “Roma” klubunda çalışıb. 

Qeyd edək ki, hazırda “Cenoa” İtaliya çempionatının 2025/2026 mövsümündə 18-ci yerdədir. Komanda 10 oyundan cəmi 6 xal toplayıb. 

Namiq HUN