Bakı Marafonu tarix yazmağa hazırlaşır!
“Bakı Marafonu 2026”da 25 min iştirakçı qeydiyyatdan keçib.
TodayPress TV xəbər verir ki, marafonda Azərbaycan vətəndaşları ilə yanaşı, ABŞ, Almaniya, Boyük Britaniya, Çin, Gürcüstan, Qazaxıstan, Qırğızıstan, Özbəkistan, Rusiya, Türkiyə, Ukrayna və digər ölkələrin vətəndaşları da mübarizə aparacaq.
Ənənəyə uyğun olaraq, yarışda fiziki imkanları məhdud, eləcə də Daun sindromlu şəxslər də iştirak edəcək.
Mayın 3-də keçiriləcək marafonun iştirakçıları ilk dəfə 42 kilometrlik məsafəni qət edəcəklər.
Yarış Dövlət Bayrağı Meydanından start götürəcək və iştirakçıların finişi Sea Breeze ərazisində olacaq.
Namiq HUN
