Antalyada məğlubiyyət: “Zirə” “Aleksandriya”ya uduzdu
“Zirə” klubu ikinci yoxlama oyununda məğlub olub.
TodayPress TV xəbər verir ki, Türkiyədə təlim-məşq toplanışında olan paytaxt təmsilçisi bu gün növbəti yoxlama oyununu keçirib.
“Qartallar” Ukraynanın “Aleksandriya” klubu ilə qarşılaşıb. Görüş rəqib komandanın 3:2 hesablı qələbəsi ilə başa çatıb. “Zirə”nin heyətində qolları Yeqor Boqomolski və Ceyhun Nuriyev vurublar.
Qeyd edək ki, “Zirə” bu gün hazırlıq prosesi çərçivəsində daha bir yoxlama matçı keçirəcək. Komandanın növbəti rəqibi Çexiyanın “Bohemians 1905” klubu olacaq.
Xatırladaq ki, “Zirə” ilk yoxlama oyununda Rumıniyanın “Çiksereda” klubu ilə 3:3 hesablı heç-heçə edib.
Namiq HUN
