Alvares “Barselona” sözlərindən peşman oldu, amma ayrılmaq istəyindən vaz keçmədi!

Madrid “Atletiko”sunun hücumçusu Xulian Alvares klubdan ayrılmaq istədiyini bildirməsi ilə bağlı komanda yoldaşlarından üzr istəyib.

TodayPress TV “Cadena SER” nəşrinə istinadən xəbər verir ki, argentinalı futbolçu “Barselona”nın marağı fonunda komandadan ayrılmaq niyyətində olduğunu açıqlamasının səhv olduğunu etiraf edib.

Məlumata görə, Alvares komanda yoldaşları ilə söhbətində həm dediklərinin mahiyyətində, həm də ifadə formasında haqsız olduğunu bildirib. 

Hücumçu “Atletiko”ya sədaqətinin hər şeydən üstün olduğunu vurğulayıb.

Nəşrin iddiasına əsasən, “Barselona” ilə danışıqların uzanması fonunda Alvares mövcud vəziyyətlə barışmağa başlayıb.

Qeyd olunur ki, futbolçunun bu açıqlaması “Atletiko”nun “Barselona” ilə danışıqlardan imtina edəcəyi halda onun hər hansı etiraz addımı atmaq ehtimalını aradan qaldırır. Bununla belə, bu, Alvaresin Madriddən ayrılmaq istəyindən tamamilə vaz keçdiyi anlamına gəlmir.

Namiq HUN

TodayPress TV