Cəlilabadda toyda döyülən şəxs öldü
Cəlilabad rayonunda toyda döyülən şəxs bir neçə gün sonra ölüb.
TodayPress TV xəbər verir ki, Cəlilabad rayonunun Həziabad kəndində toy mərasimində baş verən insident ölümlə nəticələnib. 1984-cü il təvəllüdlü Qənbər Yusubov toyda iki qardaş tərəfindən döyülüb. Müxtəlif dərəcəli bədən xəsarətləri alan Q.Yusubov xəstəxanaya hospitalizasiya olunub və ona ilkin tibbi yardım göstərilib.
O, xəstəxanada qalmaqdan imtina edib.
Daha sonra səhhəti pisləşdiyi üçün bu gün yenidən xəstəxanaya yerləşdirilib və orada ölüb.
Faktla bağlı araşdırma aparılır.
