Sosial şəbəkələrdə yayılan xəbərdarlıq mesajları SAXTADIR - RƏSMİ
Son günlər sosial mediada Daxili İşlər Nazirliyi (DİN) adından göndərildiyi iddia edilən xəbərdarlıq mesajları yayılıb. Həmin mesajlarda vətəndaşlara diqqətli olmaları, mənzillərin ətrafında özlərini daxili işlər orqanlarının əməkdaşı kimi təqdim edən şəxslərə inanmamaları tövsiyə olunur.
Məsələ ilə bağlı Daxili İşlər Nazirliyindən TodayPress TV-nin sorğusuna cavab olaraq bildirilib ki, yayılan məlumatlar həqiqəti əks etdirmir.
"Daxili İşlər Nazirliyi tərəfindən belə bir xəbərdarlıq paylaşılmayıb. Naməlum şəxslərin hər hansı yoxlama və ya sorğu aparması ilə bağlı polis orqanlarına məlumat daxil olmayıb", – qurumun açıqlamasında qeyd olunub.
Türkan İsgəndərli
