Avrasiya Gənc İş Adamları Forumu – EYBF2025: 50 ölkədən 3000 gənc sahibkar Bakıda bir araya gəlir
1 noyabr 2025-ci il tarixində saat 09.00-da Bakıda “Gənc MÜSİAD”-ın təşkilatçılığı ilə Avrasiya Gənc İş Adamları Forumu – EYBF2025 keçiriləcək.
TodayPress TV xəbər verir ki, forum Türkiyə Respublikasının Prezident Administrasiyasına bağlı İnvestisiya və Maliyyə Ofisinin, Türkiyə Cümhuriyyəti Gənclik və İdman Nazirliyinin, Kiçik və Orta Biznesin İnkişafı Agentliyi - KOBİA-nın və Azərbaycan Sahibkarlar Konfederasiyasının dəstəyi ilə baş tutacaq.
Tədbirdə 50 ölkədən 3000-dən çox gənc sahibkarın, ümumilikdə isə 5000-dən artıq iştirakçının iştirakı gözlənilir.
Forumun iştirakçıları:
Fərid Qayıbov - Azərbaycan Respublikasının Gənclər və İdman Naziri
Enes Eminoğlu - Türkiyə Respublikasının Gənclər və İdman Nazirinin müavini
Prof. Dr. Birol Akgün - Türkiyə Respublikasının Azərbaycandakı səfiri
Orxan Məmmədov - Kiçik və Orta Biznesin İnkişafı Agentliyi (KOBİA) İdarə Heyətinin sədri
Abdullah Eren, Türk Əməkdaşlıq və Koordinasiya Agentliyinin (TİKA) sədri
Mağsum Usta, Gənc MÜSİAD prezidenti
Forum çərçivəsində:
B2B görüşlər
Regional ticarət və investisiya imkanları
Startap ekosistemi və elektron ticarət
Texnologiya transferi
Universitet–sənaye əməkdaşlığı və digər aktual mövzular müzakirə olunacaq.
