AQC İqtisad Universitetində kurslar təşkil edir
Azərbaycan Qiymətləndiricilər Cəmiyyəti (AQC) Dövlət İmtahan Mərkəzinin (DİM) növbəti imtahanına hazırlaşan şəxslər üçün hazırlıq kurslarına başlayır.
TodayPress TV xəbər verir ki, kursların təşkilində əsas məqsəd qiymətləndirmə fəaliyyəti ilə məşğul olmaq istəyən namizədlərin bilik və bacarıqlarının artırılması, imtahana sistemli və peşəkar şəkildə hazırlaşmasına dəstək göstərməkdir.
Tədris prosesi üç əsas istiqamət - daşınar, daşınmaz əmlakın və müəssisələrin qiymətləndirilməsi sahəsini əhatə edir.
Mühazirələr Azərbaycan Dövlət İqtisad Universitetində, tədris ocağının müəllimləri tərəfindən aparılacaq, kursu uğurla başa vuran iştirakçılar sertifikatı təqdim ediləcək.
