Erməni nazir: "Azərbaycandan gələn Qazaxıstan buğdasının çörəyini ilk mən dadacam"
Ermənistanın iqtisadiyyat naziri Qevorq Papoyan Azərbaycandan tranzitlə ölkəyə gətirilən Qazaxıstan buğdasından hazırlanacaq çörəyi ilk dadmağa hazır olduğunu bildirib.
TodayPress TV xəbər verir ki, bu barədə Ermənistan KİV məlumat yayıb.
Nazir sosial şəbəkə paylaşımında “Birinci mən bu buğdadan hazırlanan çörəyi dadmağa hazıram” sözlərini yazıb.
Qeyd edilib ki, Qazaxıstana məxsus taxıl yüklü qatar Qazaxıstan, Rusiya, Azərbaycan və Gürcüstan ərazisindən keçərək Ermənistana çatıb.
Təxminən 1 000 ton dördüncü sinif buğda təhvil verilib. Bu tədarük Azərbaycanın tranzit daşımalarına qoyduğu məhdudiyyətləri aradan qaldırmasından sonra mümkün olub.
