Ay torpağında kartof yetişdirilə bilər
Oregon Dövlət Universitetinin tədqiqatçıları laboratoriyada Ay torpağını təqlid edərək kartofun bu şəraitdə yetişə biləcəyini göstəriblər.
TodayPress TV tədqiqat nəticələrinə görə, kartof yalnız təxminən 5% üzvi qurd kompostu əlavə edildikdə böyüyə bilir.
Təcrübədə alimlər Ay torpağına bənzər mineral qarışığı istifadə ediblər. Kök yumruları iki ay ərzində yetişib, lakin yüksək miqdarda mis və sink aşkar olunduğu üçün istehlak üçün təhlükəli ola bilər. Bununla belə, kartofun qida dəyəri Yer üzündəki kartofla müqayisə edilə bilirdi.
Tədqiqatçılar qeyd edirlər ki, real Ay mühitində radiasiya və vakuum kimi amillər hələ nəzərə alınmayıb. Gələcəkdə onlar Artemis proqramı çərçivəsində real Ay torpağı üzərində oxşar sınaqlar aparmağı planlaşdırırlar və fərqli kartof sortlarını test edəcəklər.
Türkan İsgəndərli
