Könüllü tibbi sığorta üzrə yığımlar azaldı, ödənişlər isə artdı
Bu ilin yanvar ayında Azərbaycanda könüllü tibbi sığorta üzrə yığımlar 51 milyon 669 min manat təşkil edib.
TodayPress TV bu barədə Azərbaycan Mərkəzi Bankına istinadən xəbər verir ki, bu, ötən ilin eyni dövrü ilə müqayisədə 11,3% azdır.
Belə ki, ötən ilin yanvar ayında tibbi sığorta üzrə 58 milyon 313 min manat sığorta haqqı toplanılmışdı.
Hesabat ayında tibbi sığorta üzrə ödənişlərin həcmi 6 milyon 854 min manat olub ki, bu da ötən ilin eyni dövrünə nisbətən 37,8% çoxdur. 2025-ci ilin ilk ayında bu sığorta növü üzrə ödənişlərin həcmi 4 milyon 971 min manat olmuşdu.
Bu dövrdə könüllü tibbi sığorta üzrə zərərlilik artıb. Belə ki, ötən ilin yanvar ayında sığorta şirkətləri bu sığorta üzrə topladıqları hər 100 manatdan 8.5 manatını ödənişə yönəltmişdisə, bu ilin eyni dövründə bu rəqəm 13.2 manata yüksəlib.
