Dünya bazarında qızıla tələbat artdı
Yaxın Şərqdə artan gərginlik qlobal maliyyə bazarlarına təsir göstərib və qızılın qiymətində artım qeydə alınıb.
TodayPress TV xəbər verir ki, bu barədə "Dawn" məlumat yayıb.
Son məlumatlara görə, qızılın qiyməti 0,8 faiz artaraq unsiya üçün 5177,33 dollara çatıb. ABŞ-də aprel ayı üzrə qızıl fyuçersləri isə 1 faiz yüksələrək 5185,50 dollar olub.
Digər qiymətli metallarda da artım müşahidə olunub. Gümüş 1,7 faiz, platin 1,4 faiz, palladium isə 0,5 faiz bahalaşıb.
Analitiklər bildirirlər ki, qızılın bahalaşması əsasən geosiyasi risklərin artması və ABŞ dollarının əvvəlki yüksək səviyyədən geri çəkilməsi ilə bağlıdır. Dolların zəifləməsi digər valyutalara sahib investorlar üçün qızılı daha əlçatan edir.
Türkan İsgəndərli
