Paşinyan: “Azərbaycan və Ermənistan münaqişəni geridə qoyub”
“Azərbaycanla əldə olunan sülh və mükafat bu prosesin beynəlxalq səviyyədə təsdiqidir”.
TodayPress TV xəbər verir ki, Ermənistanın Baş naziri Nikol Paşinyan bunu “Zayed İnsan Qardaşlığı Mükafatı”nın təqdimolunma mərasimində çıxışı zamanı deyib.
O bildirib ki, iki ölkə arasında əldə olunan nəticələr hələ də inanılmaz görünür:
“Azərbaycanla Ermənistan inanılmaz nailiyyət əldə edib. 2025-ci ildə sülh bərqərar oldu, indi isə baş verənlər yenə də inanılmaz görünür”.
O bildirib ki, sülh və mükafatın verilməsi təkcə onun qeyd edilməsi deyil, eyni zamanda təsdiqidir:
“Sülh və bu mükafatın verilməsi nəinki onun qeyd edilməsi, həmçinin onun təsdiq edilməsidir ki, Ermənistan və Azərbaycan münaqişəni geridə qoyublar”.
Ermənistanın Baş naziri vurğulayıb ki, əməkdaşlıq olmasaydı, tədbirdə iştirakın mənası olmazdı:
“Əgər aramızda əməkdaşlıq olmasaydı, həm Azərbaycan Prezidenti İlham Əliyev, həm də mənim üçün bura gəlmək mənasız idi”.
Paşinyan əlavə edib ki, bu tədbir beynəlxalq dəstəyin ifadəsi kimi qiymətləndirilir.
Qiymət Mahir
