UEFA Çempionlar Liqasının oyununda zədələnən Kadi bərpa olunur
Kadi Borgesin bərpa prosesi davam edir.
TodayPress TV offsideplus.az-a istinadən xəbər verir ki, “Qarabağ” klubunun Kommunikasiya departamentinin rəhbəri Anar Hacıyev braziliyalı futbolçu Kadi Borgesin vəziyyəti barədə açıqlama verib.
O bildirib ki, Kadi hazırda özünü yaxşı hiss edir və fərdi məşqlərini davam etdirir. Yarımmüdafiəçi kollektiv məşqlərə tədricən qoşulur, lakin nə vaxt tam komandaya qatıla biləcəyi hələ məlum deyil.
Xatırladaq ki, Kadi UEFA Çempionlar Liqasının əsas mərhələsinin IV turunda “Çelsi” ilə oyunda zədələnib. Sol fibulasında sınıq aşkarlanan futbolçunun müalicə və bərpa müddətinin təxminən 8-10 həftə çəkəcəyi bildirilib.
Namiq HUN
