Qvardiola ÇL-də rekorda imza atdı

“Mançester Siti” klubunun baş məşqçisi Pep Qvardiola UEFA Çempionlar Liqasında (ÇL) unikal rekorda imza atıb.

TodayPress TV Beynəlxalq Futbol Tarixi və Statistikaları Federasiyasının (IFFHS) saytına istinadən xəbər verir ki, ispaniyalı mütəxəssis, turnir tarixində eyni rəqibə qarşı ən çox oyun keçirən məşqçi olub.

Qvardiola ötən mövsüm “şəhərlilər”in sükanı arxasında Çempionlar Liqasının pley-off mərhələsində İspaniya “Real Madrid”i ilə üz-üzə gələrək bu rəqibə qarşı oyun sayını 14-ə çatdırıb. O, “kral klubu” ilə 2 dəfə “Barselona”nın, 12 dəfə isə “Mançester Siti”nin baş məşqçisi kimi qarşılaşıb.

Çempionlar Liqası tarixində heç bir mütəxəssis eyni rəqibə qarşı bu qədər çox oyun keçirməyib.

Namiq HUN