Polşalı qolkiper Premyer Liqanı hədəfləyir
“Qarabağ”ın qapıçısı Mateuş Koxalski İngiltərə klublarında çıxış etmək istədiyini açıqlayıb.
TodayPress TV xəbər verir ki, bu barədə “The Sun” nəşri məlumat yayıb.
Koxalski UEFA Çempionlar Liqasının pley-off mərhələsi çərçivəsində “Nyukasl”la keçirilən oyundan sonra İngiltərə mətbuatına danışıb.
“Ən böyük arzum İngiltərədə oynamaqdır. Ümid edirəm ki, Premyer Liqa və Çempionşip klublarının skautları məni izləyiblər. Onların transferim üçün addım atacaqlarına inanıram”, – deyə polşalı qapıçı bildirib.
Xatırladaq ki, Mateuş Koxalski 45 seyv ilə turnirin ən yaxşı qapıçıları arasında ilk üçlükdə yer alır.
Namiq HUN
