Florentino Peres UEFA-nı tənqid etdi
“Real Madrid” klubunun prezidenti Florentino Peres Avropa Super Liqası layihəsi ilə bağlı mövqeyini açıqlayıb.
TodayPress TV xəbər verir ki, futbol funksioneri UEFA-nın yarış formatlarını diktə etməsinə münasibət bildirib.
“Klubların öz turnirlərini təşkil etməsinin qarşısını almaq qanuni deyil. UEFA-nın bizim taleyimizi müəyyən etməsi və azarkeşlərə zərər verən formatlar tətbiq etməsi düzgün deyil. Buna görə də bizi Asiyada oyun keçirməyə məcbur edirlər”, - deyə Peres vurğulayıb.
O, pulsuz yayımlanan futbol matçlarının vacibliyini vurğulayıb.
“Biz bunu Klublararası Dünya Çempionatında etdik. FIFA Afrikada kasıb bir uşağın belə oyunları izləməsinə imkan verdi. “Unify” platforması vasitəsilə oyunların pulsuz yayımlanması mümkündür. FIFA-ya təşəkkür edirəm. UEFA-nın bunu daha bir il gecikdirməsinin tək səbəbi daha bir il milyon avro qazanc əldə etmək istəyidir”, - deyə Peres bildirib.
Namiq HUN
