Estevao ÇL-in tarixinə düşdü
“Çelsi” klubunun 18 yaşlı braziliyalı hücumçusu Estevao Villian Kilian Mbappe və Erlinq Haalandın göstəricilərini təkrarlayıb.
TodayPress TV xəbər verir ki, bu barədə “Opta” nəşri məlumat yayıb.
Bildirilir ki, Estevao meydana çıxdığı ilk üç Çempionlar Liqası (ÇL) matçında 19 və ya daha az yaşda qol vuran üçüncü futbolçu olub.
O, buna Liqa mərhələsinin “Barselona”ya (3:0) qarşı matçında fərqlənməklə nail olub.
Estevao Villian daha əvvəl turnir çərçivəsində “Ayaks” və “Qarabağ”la oyunlarda rəqib torlarını silkələməyi bacarıb.
Xatırladaq ki, fransalı forvard Kilian Mbappe 18 yaşında, norveçli futbolçu Erlinq Haaland isə 19 yaşında bunu bacarıb.
Namiq HUN
