Çempionlar Liqasında final həyəcanı
Bu gün UEFA Çempionlar Liqasının 2024/25 mövsümünün qalibi müəyyənləşəcək.
TodayPress TV xəbər verir ki, Avropanın ən nüfuzlu klub turnirinin finalında Fransanın PSJ və İtaliyanın “İnter” komandaları qarşılaşacaqlar.
Rəqiblərin avrokuboklarda ilk şəxsi görüşü məhz Çempionlar Liqasının finalına təsadüf edəcək.
Milanın “İnter” klubu tarixi ərzində 3 dəfə (1963/1964, 1964/1965, 2009/2010) yarışın qalibi olub. PSJ klubu isə heç vaxt belə sevinc yaşamayıb.
Qeyd edək ki, UEFA Çempionlar Liqasının son qalibi “Real Madrid” klubu olub. İspaniya təmsilçisi Çempionlar Liqası kubokunu ən çox qazanan komandadır. “Kral klubu” 15 dəfə kuboku başı üzərinə qaldırıb.
PSJ - "İnter" finalı Bakı vaxtilə saat 23.00-da başlayacaq.
Namiq HUN
