“JinkoSolar” inşa edilən GES üçün modullar təchiz edəcək

Dünyanın ən böyük günəş panelləri (modulları) istehsalçılarından biri olan Çinin “JinkoSolar” fotovoltaik şirkəti Azərbaycanda 100 MVt gücündə günəş elektrik stansiyası layihəsi üçün modullar təchiz edəcək. 

Bu barədə TodayPress TV şirkətin məlumatına istinadən xəbər verir. 

“JinkoSolar” “Universal Energy” ilə “Qobustan” Günəş Elektrik Stansiyasının (GES) tikintisi layihəsi üçün modulların təchizatı haqqında müqavilə imzalayıb.

Layihənin həyata keçirilməsi zamanı “JinkoSolar” tərəfindən hazırlanmış TOPCon N-tipli modullar tam istifadə olunacaq. Bu tərəfdaşlıq “JinkoSolar” texnologiyalarının çətin (hava) şəraitində tanınmasını vurğulayır və şirkətin dünya fotovoltaik sistemləri bazarında lider mövqeyini gücləndirir" deyə məlumatda bildirilib. 

Şirkət qeyd edib ki, layihə çətin iqlim şəraitinə malik ərazidə həyata keçirilir - yayda temperatur 45°C-yə çatır, tez-tez güclü küləklər, toz fırtınaları müşahidə olunur. 

"TOPCon N-tipli modullar öz texniki xüsusiyyətlərinə görə seçilib. Bunlara hər vatt üçün yüksək çıxış gücü, istənilən hava şəraitində etibarlı işləmə və ümumi enerji istehsalının artırılması daxildir. İkitərəfli əmsalı sayəsində xarici generasiya effektivliyi 85 %-ə qədər əhəmiyyətli dərəcədə artır, bu da ümumi istehsalı təxminən 3,38 % artırmağa imkan verir" deyə məlumatda vurğulanıb. 

Qeyd edildiyi kimi, 100 MVt gücündə “Qobustan” GES-in tikintisi layihəsi üzrə investisiya müqaviləsi 22 aprel 2025-ci ildə Azərbaycan hökuməti ilə Çinin “Universal Energy” şirkətinin törəmə strukturu olan "Universal Solar Azerbaijan" MMC arasında imzalanıb. 

Qeyd edək ki, 2025-ci il aprel 22-də Azərbaycan hökuməti və “Universal Solar Azerbaijan” MMC arasında Azərbaycanda 100 MVt gücündə “Qobustan” günəş elektrik stansiyası layihəsi ilə bağlı İnvestisiya Müqaviləsi imzalanıb. 

Müqaviləyə əsasən, Azərbaycan hökuməti vergi güzəştləri, torpaq sahəsinin verilməsi, ötürücü şəbəkəyə qoşulma kimi istiqamətlərdə dəstək göstərəcək, həmçinin layihənin həyata keçirilməsinə kömək etmək üçün yerli strukturlarla qarşılıqlı əlaqəni koordinasiya edəcək. 

Xatırladaq ki, 2024-cü ilin noyabrında COP29 konfransı zamanı “Universal Energy” bu layihənin həyata keçirilməsi üçün beynəlxalq tenderin qalibi elan edilmişdi.

Ümumi investisiya həcmi təxminən 51 milyon ABŞ dolları qiymətləndirilir. 2026-cı ildə istismara verilməsi nəzərdə tutulan stansiyada hər il təxminən 180 milyon kilovat-saat elektrik enerjisi istehsalı proqnozlaşdırılır.

Eyni zamanda, stansiya karbon qazı emissiyalarını ildə təxminən 146,5 min ton azaldacaq.