Sevgililər Günü "qiymət marafonu” – Bakı, Sumqayıt və Abşeronda Tariflər
2026-cı il 14 Fevral – Sevgililər Günü münasibətilə Bakı restoranlarında romantik axşam üçün tətbiq olunan qiymətlər əvvəlki illərlə müqayisədə xeyli artıb. Bir çox məşhur məkan özəl menyular, əyləncə proqramları və yüksək depozitlərlə diqqət çəkir.
TodayPress TV restoranların qiymətlərini araşdırıb:
Belə ki, “Prive Steak Gallery” restoranında bir nəfər üçün depozit 150 AZN təşkil edir (menyudan seçim üçün istifadə olunur).
“Societe Baku” və "Tava Da"da isə 2 nəfərlik menyu cəmi 150 manatdır. "The Gallery Baku" adambaşına 100 manata (masa bəzədilməsi hədiyyə) menyu təqdim edir. “La quzu” restoranında depozit məbləği 77 AZN-dir.
Bəzi məkanlarda yerləşmənin tipinə və menyuya görə qiymətlər olduqca yüksək səviyyədədir:
"Ruby360”da pəncərə kənarı masa 1 nəfər üçün 250 AZN, cütlük üçün isə 500 AZN, “Zeyd” restoranında milli mətbəx menyusu 1 nəfər üçün 175 AZN, cütlük üçün isə 350 - 400 AZN civarındadır.
Lüks variantlarla da əhatə olunan bu bayram axşamı üçün məsələn, "Hilton Bakı" otelindəki “360 Bar”da xüsusi Sevgililər Günü proqramının qiyməti adambaşı təxminən 440 AZN, yəni iki nəfər üçün ümumilikdə 880 AZN civarındadır.
Sumqayıt şəhəri və Abşeron rayonunda yaşayanlar üçün isə menyular belədir:
- "Poseidon" - 1 nəfər 65-100 AZN arası;
- "Parkstreet" - 2 nəfər 80 manat;
- "Amore Novxanı" - 1 nəfər 50 manat + 10 % servis haqqı;
- "La Chateau" - 2 nəfər 150 manat;
- "Gənclik City" - 2,4,6 nəfərlik masalarda 1 nəfər 20 manat;
- "Turan" - 2 nəfər 60 AZN (menyu daxil) təşkil edir.
Restoranların 14 Fevral üçün depozitlərin miqdarını əhəmiyyətli dərəcədə artırması insanlar arasında narahatlıq doğurur. Bunlarla yanaşı məkanlar 10% depozit tələb edir.
Qeyd edək ki, artım restoranla kifayətlənmir. Sevgililər gününə məxsus hədiyyələrdə də adi günlərə nisbətən xeyli bahalaşma qeydə alınıb.
Türkan İsgəndərli
