Dünyanın ən uzun ilanı tapıldı
Dünyanın indiyədək rəsmi olaraq ölçülmüş ən uzun vəhşi ilanı İndoneziyada aşkar edilib.
TodayPress TV xəbər verir ki, bu barədə "UPI" məlumat yayıb.
Ginnesin Rekordlar Kitabı Maros bölgəsində tapılan nəhəng dişi torlu pitonun dünya rekordu qırdığını təsdiqləyib. Yoxlamalardan sonra ilanının uzunluğunun 7,2 metr olduğu müəyyən edilib.
Məlumata görə, ilan hazırda indoneziyalı təbiət qoruğunun nəzarəti altındadır.
Qeyd edək ki, torlu pitonlar dünyanın ən uzun ilanları sayılır və adətən yetkin fərdlərin uzunluğu 5,8 metrə qədər olur. Yeni tapılan nümunə isə bu göstəricini xeyli üstələyərək yeni dünya rekordu müəyyən edib.
Türkan İsgəndərli
