Ulduzlararası kometada suyun unikal kimyəvi tərkibi ilə bağlı maraqlı tapıntı
Miçiqan Universitetinin astronomları müəyyən ediblər ki, 3I/ATLAS ulduzlararası kometasında Günəş sistemimizdəki kometalarda olandan təxminən 30 dəfə, Yer okeanlarında olandan isə 40 dəfə çox deyterium konsentrasiyasına malik su var.
TodayPress TV-nin xəbərinə görə, bu barədə "Science Daily" jurnalında məlumat verilib.
"Müşahidələrimiz göstərir ki, Günəş sistemimizin formalaşmasına gətirib çıxaran şərtlər qalaktikanın digər hissələrində planet sistemlərinin necə təkamül etməsindən əhəmiyyətli dərəcədə fərqlidir", - deyə tədqiqatın aparıcı müəllifi, Miçiqan Universitetinin Astronomiya kafedrasının aspirantı Luis Salazar Mantsano bildirib
3I/ATLAS kometi Günəş sistemində aşkarlanan üçüncü təsdiqlənmiş ulduzlararası obyektdir. Əvvəlki ikisindən fərqli olaraq, bu cisim ətraflı müşahidə üçün kifayət qədər erkən aşkar edilib. Komanda Arizonadakı MDM rəsədxanasında ilk qaz emissiyası (qaz ayrılması) əlamətlərini aşkar edib. Daha sonra Çilinin Atakama səhrasındakı ALMA teleskop kompleksi işə qoşulub və onun həssaslığı adi suyu deyteriumla zəngin sudan ayırd etməyə imkan verib.
Tədqiqatın həmrəhbəri, Miçiqan Universitetinin dosenti Tereza Paneke-Karrenyunun sözlərinə görə, bu, ulduzlararası obyektdə suyun ilk uğurlu kimyəvi analizidir.
Müəlliflər qeyd ediblər ki, daha güclü rəsədxanaların meydana gəlməsi ilə kəşf edilən ulduzlararası obyektlərin sayı artacaq.
