"Xiaomi" yeni audio eynəklərini təqdim etdi
"Xiaomi" şirkəti ağıllı audio eynəklərini satışa çıxarıb. Yeni model həm gün eynəyi, həm də simsiz qulaqlıq kimi istifadə olunur.
TodayPress TV xəbər verir ki, eynəklərdə səs keyfiyyətini artıran xüsusi dinamiklər var.
Bu, istifadəçiyə ətrafdakı səsləri eşitmək imkanı verərkən, musiqini də başqalarına eşitdirmədən dinləməyə şərait yaradır.
Modelin çəkisi 40 qramdır, plastik materialdan hazırlanıb. Eynəkdə mahnı dəyişmək, zəngləri cavablandırmaq kimi funksiyalar sensor panel vasitəsilə idarə olunur.
Eynəkləri çıxardıqda musiqi avtomatik dayanır. Qurğu su və toza davamlıdır. Batareyası 10 saata qədər işləyir və maqnitlə şarj olunur.
Hazırda bu eynəklər təxminən 86 dollara satılır.
Türkan İsgəndərli
