Çin "Nvidia H200" çiplərinin alınmasını təsdiqlədi
Çin hakimiyyəti süni intellekt startapı "DeepSeek" üçün "Nvidia" şirkətinin "H200" süni intellekt sürətləndiricilərinin alınmasına razılıq verib.
TodayPress TV xəbər verir ki, bu barədə "Reuters" agentliyi məlumat yayıb.
Lakin çiplərin Çinə çatdırılması hələ də tənzimləyici şərtlərlə bağlı davam edən danışıqlardan asılıdır.
Məlumata əsasən, "ByteDance", "Alibaba" və "Tencent" şirkətləri də daxil olmaqla bir sıra Çin texnologiya nəhəngləri ümumilikdə 400 mindən çox "H200" sürətləndiricisinin alınması üçün təsdiq alıblar. Bu icazələr Çinin müvafiq qurumları tərəfindən verilib və Milli İnkişaf və İslahat Komissiyası (NDRC) əməliyyatlar üçün xüsusi tələblər müəyyən edib.
Türkan İsgəndərli
