UFC-də zəfər! Maxaçev İen Qerrini məğlub edərək seriyanı uzatdı
UFC-nin yarımorta çəki dərəcəsində (77 kq-a qədər) hazırkı çempionu İslam Maxaçev UFC 330 turnirində irlandiyalı İen Qerriyə qalib gəldikdən sonra sosial şəbəkə hesabında paylaşım edib.
TodayPress TV xəbər verir ki, 34 yaşlı rusiyalı döyüşçü qələbədən sonra “Miras davam edir” sözlərini yazıb.
Qeyd edək ki, Maxaçevlə Qerrinin döyüşü beş raundun hamısını əhatə edib və rusiyalı idmançının yekdil hakim qərarı ilə qələbəsi ilə başa çatıb. Hakimlərdən Sal D’Amato və Mayk Bell döyüşdə 49:46 hesabı ilə Maxaçevi üstün tutublar. Üçüncü hakim Erik Kolon isə 48:47 hesabı ilə qələbəni İslama verib.
Filadelfiya qələbəsi ilə Maxaçev UFC-də ardıcıl 17-ci zəfərini qazanıb. Ümumilikdə onun peşəkar karyerasında 29 qələbə və 1 məğlubiyyət var.
Namiq HUN
