“Milluoll” gələcəyini təmin etdi – Əsrlik razılaşma!
Çempionşip klubu “Milluoll” “Nyu Den” stadionunu 999 illik icarəyə götürdüyünü açıqlayıb.
TodayPress TV klubun mətbuat xidmətinə istinadən xəbər verir ki, bütün hüquqi sənədlər Luişem Şəhər Şurası ilə artıq imzalanıb.
“Klub bütün proses boyunca konstruktiv tərəfdaşlığa görə Luişem Şəhər Şurasına səmimi təşəkkürünü bildirir və yerli icma üçün uzunmüddətli nəticələr əldə etmək məqsədilə əməkdaşlığın davam edəcəyinə ümid edir”, – deyə klubun rəsmi saytında qeyd olunub.
Hazırda “Milluoll” klubu İngiltərənin ikinci liqası olan Çempionşipdə 38 oyundan sonra 68 xalla dördüncü pillədə qərarlaşıb. Komanda birbaşa Premyer Liqaya yüksəliş zonasından cəmi iki xal geri qalır.
Namiq HUN
