Maltadan sonra növbə San Marinodadır: yığmamız revanş axtarır
Avstriyada təlim-məşq toplanışında olan futbol üzrə Azərbaycan yığma komandası bu gün növbəti yoldaşlıq matçına çıxacaq.
TodayPress TV xəbər verir ki, millimiz bu dəfə San Marino yığması ilə üz-üzə gələcək.
Ayxan Abbasovun baş məşqçisi olduğu kollektiv rəqiblə Macarıstanın Sombatxey şəhərində yerləşən “Haladaş” stadionunda qarşılaşacaq.
Macarıstanlı Marton Ruşun idarə edəcəyi matç Bakı vaxtı ilə saat 22:00-da başlayacaq.
Qeyd edək ki, komandamız ilk yoldaşlıq oyununda Maltaya 0:2 hesabı ilə məğlub olub. Millimiz San Marino ilə oyunda uğursuz seriyaya son qoymağa çalışacaq.
Namiq HUN
