“Barselona” yenə Qavini itirdi ?

“Barselona” klubunun yarımmüdafiəçisi Qavinin yenidən “xaçvari bağları”nın qopduğu ehtimal edilir. 

TodayPress TV Cadena Serə istinadən xəbər verir ki, Qavi diz ağrıları səbəbindən məşqi vaxtından əvvəl dayandırıb. 

Onun eyni ayağında ikinci dəfə xaçvari bağların qopması ehtimalı var.

20 yaşlı futbolçu bu gün tibbi müayinədən keçəcək. Həkimlər onun dizində çat ola biləcəyindən şübhələnirlər. O, “Rayo Valyekano” ilə matçda iştirak etməyəcək.  

Qeyd edək ki, Qavi cari mövsümdə “Barselona”nın heyətində iki oyuna çıxıb və bir məhsuldar ötürmə ilə yadda qalıb. 

Xatırladaq ki, o, daha əvvəl də eyni zədəyə görə uzun müddət yaşıl meydanlardan uzaq qalıb. Ötən mövsüm yarımmüdafiəçi bütün turnirlərdə 42 oyun keçirib, 3 qol vurub və 3 məhsuldar ötürmə edib. Transfermarkt portalı futbolçunun bazar dəyərini 60 milyon avro olaraq qiymətləndirir.

Namiq HUN