“İnter Mayami” Messini itirdi

“İnter Mayami” klubu Lionel Messinin zədəsi və bərpa müddəti ilə bağlı açıqlama yayıb. 

TodayPress TV xəbər verir ki, bu barədə klubun mətbuat xidməti məlumat yayıb.

Klubun hücumçu Lionel Messinin səhhəti ilə bağlı açıqlamasında deyilir:

“Müayinələrin nəticələri sağ ayaq əzələsində yüngül zədə olduğunu göstərdi. Onun meydana qayıdışı klinik vəziyyətinə və müalicəyə verdiyi reaksiyaya əsasən müəyyən olunacaq”.

Messi Liqa Kubokunun “Nekaksa” ilə matçının (2:2) 11-ci dəqiqəsində zədə səbəbilə oyunu tərk edib.

Qeyd edək ki, MLS-in cari mövsümündə argentinalı ulduz futbolçu 18 oyunda 18 qol və 10 məhsuldar ötürmə ilə yadda qalıb. Forvard Liqa Kubokunda keçirdiyi iki qarşılaşmada isə fərqlənə bilməyib.

Namiq HUN