Dünyanın tanınmış qrossmeysterləri Xankəndiyə toplaşıblar
Bu gün Xankəndi şəhərində XI Vüqar Həşimov Memorialı start götürəcək.
TodayPress TV xəbər verir ki, turnirdə 6 şahmatçı rapid və blits növləri üzrə qələbə uğrunda mübarizə aparacaqlar.
Memorialda şahmatçılarımızdan Rauf Məmmədov və Aydın Süleymanlı ilə yanaşı, zəka sahiblərindən Yan Nepomnyaşi (FIDE), Amin Tabatabai (İran), Vladimir Fedoseyev (Sloveniya) və Nodirbek Yakubboyev (Özbəkistan) bacarığını nümayiş etdirəcək.
Qeyd edək ki, XI Vüqar Həşimov Memorialı dekabrın 11-də başa çatacaq.
Namiq HUN
