Cokoviç ən yaxşı beşlikdə rekord müddətə çatdı
Tennis tarixində daha bir rekord yenilənib.
TodayPress TV xəbər verir ki, 24 qat “Böyük dəbilqə” qalibi Novak Cokoviç ATP reytinqinin ilk 5-liyində 860-cı həftəsini keçirərək Rocer Federerə məxsus 859 həftəlik rekordu geridə qoyub.
Serb tennisçi bu müddətin:
428 həftəsini 1 nömrə kimi,
171 həftəsini 2-ci,
167 həftəsini 3-cü,
59 həftəsini 4-cü,
35 həftəsini isə 5-ci pillədə keçirib.
Qeyd edək ki, Cokoviç cari mövsüm sonuncu dəfə İndian Uells “Masters” turnirində korta çıxıb. O, həmin yarışın dördüncü mərhələsində Cek Dreyperə məğlub olub. Daha sonra serb tennisçi Mayami Open, Monte Karlo “Masters” və Madrid Open turnirlərini buraxıb.
Namiq HUN
