Startda olmadı, söz-söhbətlər alovlandı
“Liverpul” klubunun baş məşqçisi Arne Slot hücumçu Məhəmməd Salah haqqında danışıb.
TodayPress TV xəbər verir ki, bu barədə Liverpool Echo nəşri məlumat yayıb.
Bildirilir ki, misirli futbolçu Premyer Liqanın XIV turunda “Sanderlend”lə (1:1) oyunun start heyətində yer almayıb.
Slot bu vəziyyətin onun Səudiyyə Ərəbistanı Pro Liqasına mümkün transferi ilə bağlı söz-söhbətləri yenidən gündəmə gətirdiyini deyib:
“Düşünürəm ki, ağlıma gələn hər bir futbolçu start heyətində oynaya bilər. Mo bizim üçün istisna bir oyunçudur. Mən hər zaman onu həm start heyətində, həm də ehtiyatdan meydana daxil ola biləcək futbolçu kimi görürəm.
Bəli, bu söhbətləri başa düşürəm, çünki o, bunu layiqincə qazanıb. Altı-yeddi ildir oyuna böyük təsir göstərən futbolçudur. Oynamadığı zaman insanların bu barədə danışması tamamilə normaldır”.
Namiq HUN
