Çempion Lando Norris yeni F-1 mövsümünə inamla başlayır

26 yaşlı britaniyalı pilot və 2025-ci ilin “Formula-1” çempionu Lando Norris “Meklaren” komandası üçün çıxış edərək, yeni mövsümə – yeni texniki qaydaların tətbiq olunduğu 2026-cı il turuna hazır olduğunu bildirib.

TodayPress TV xəbər verir ki,  Norris bu barədə "RacingNews365" nəşrinə açıqlamasında deyib:

“Bu ilin nə gətirəcəyini səbirsizliklə gözləyirəm. Yenidən işi başa düşmək vaxtıdır və indi hər şeyi sıfırdan sınamalıyıq. Çempionluq məni xoşbəxt edir və yeni mövsüm üçün yaxşı inam verir. Amma hər şey çox fərqlidir, yeni qaydalar və bütün dəyişikliklərlə böyük çağırış bizi gözləyir. Mən yaxşıyam və həyatımda böyük bir şey etdiyim üçün xoşbəxtəm”.

Namiq HUN