Boksçular Gürcüstanda 3-ü qızıl olmaqla, 7 medal qazandılar
Gənc boksçuların Gürcüstanın Poti şəhərində keçirilən beynəlxalq turniri başa çatıb.
TodayPress TV xəbər verir ki, Azərbaycan millisi yarışı 3 qızıl, 2 gümüş və 2 bürünc medalla bitirib.
Komandanın heyətində Bilalhəbaşi Nəzərov (50 kq), Zidan Hümbətov (55 kq) və Məhəmməd Cəfərov (+90 kq) rəqiblərinə qalib gələrək turnirin qızıl medallarına sahib çıxıblar.
Yalnız finalda məğlub olan Sübhan Babayevlə (57 kq) Hüseyn Hüseynli (90 kq) gümüş medalla kifayətləniblər.
Nihat Qasımovla (50 kq) Rza Rzayevin (75 kq) isə Poti turnirindən qazancı bürünc medal olub.
Namiq HUN
