III MDB Oyunları Müstəqil Dövlətlər Birliyi idman hərəkatı tarixində parlaq iz buraxacaq – Sergey Lebedev
III MDB Oyunları Müstəqil Dövlətlər Birliyi idman hərəkatı tarixində parlaq iz buraxacaq.
TodayPress TV xəbər verir ki, bu barədə MDB-nin Baş katibi Sergey Lebedevin Azərbaycanda keçirilən III MDB Oyunlarının təşkilatçılarına, iştirakçılarına və qonaqlarına müraciətində deyilir.
Müraciəti Oyunların açılış mərasimində MDB Baş katibinin müavini Nurlan Seytimov səsləndirib.
"Xalqlarımızın idman birliyinin parlaq rəmzinə çevrilən bu möhtəşəm idman hadisəsi yalnız atletlərin ən yüksək peşəkarlığını nümayiş etdirmək üçün bir platforma deyil, həm də MDB ölkələri arasında dostluq əlaqələrinin möhkəmlənməsinə, mədəniyyət və idman sahələrində çoxtərəfli əməkdaşlığın inkişafına xidmət edir.
MDB Oyunları idmanın dövrümüzün ən güclü həmrəylik simvollarından biri olduğunun bariz nümunəsidir. Bir neçə gün ərzində Azərbaycan Respublikasının yeddi şəhəri iştirakçıların və tamaşaçıların zövq alacağı möhtəşəm bir idman bayramına ev sahibliyi edəcək.
Bu keyfiyyətlər gəncləri yalnız uğurlu idmançılara deyil, həm də istənilən fəaliyyət sahəsində əsl liderlərə çevirir.
Əminəm ki, III MDB Oyunları Birliyin idman hərəkatı tarixində parlaq iz buraxacaq və humanitar əməkdaşlığın daha da möhkəmlənməsinə xidmət edəcək.
Bütün gənc atletlərə idman qələbələri, yeni rekordlar və şəxsi inkişaf arzulayıram. Qoy bu Oyunlar həm idman arenalarında, həm də ölkələrimizin rifahı naminə görülən yaradıcı işlərdə yeni nailiyyətlərə ruhlandırsın", – müraciətdə vurğulanır.
