İran XƏBƏRDARLIQ etdi: Bu ərazi minalanacaq

ABŞ və İsrailin quru işğalı halında İran Fars körfəzində dəniz minaları yerləşdirə bilər.

TodayPress TV "Associated Press"ə istinadən xəbər verir ki, İslam Respublikasının Müdafiə Şurası bu xəbərdarlığı Amerika dəniz piyadalarının bölgəyə gəlişi ilə bağlı xəbərlər fonunda edib.

"Düşmənin İran sahillərinə və ya adalarına zərbə endirmək üçün etdiyi hər hansı bir cəhd müəyyən edilmiş hərbi təcrübəyə uyğun olaraq, Fars körfəzində və sahil boyunca bütün giriş yollarının minalanmasına səbəb olacaq", - nazirlik bildirib.

Qeyd edək ki, daha əvvəl "Wall Street Journal" (WSJ) qəzeti Amerika rəsmilərinə istinadən Pentaqonun Yaxın Şərqə üç hərbi gəmi və iki mindən çox əlavə dəniz piyadası göndərdiyini yazmışdı.