Türkmənistan MDB-yə sədrlik edəcək
2026-cı il yanvarın 1-dən Müstəqil Dövlətlər Birliyinə (MDB) sədrlik Tacikistandan Türkmənistana keçəcək.
TodayPress TV xəbər verir ki, müvafiq qərar Birliyə üzv dövlətlər arasında bağlanmış müqavilələr çərçivəsində qəbul edilib.
Bildirilib ki, Türkmənistan sədrliyi dövründə MDB-nin nizamnamə orqanlarının fəaliyyətini əlaqələndirəcək, üzv dövlətlərin qarşılıqlı əlaqəsi üçün əsas prioritetləri müəyyən edəcək. Siyasi dialoq, iqtisadi əməkdaşlıq, humanitar əlaqələr və regional sabitliyin təmin edilməsi istiqamətlərinə xüsusi diqqət yetiriləcəyi gözlənilir. MDB-də sədrlik Birliyin gündəliyinin formalaşdırılmasında və üzv dövlətlər arasında çoxtərəfli əməkdaşlığın inkişaf etdirilməsində mühüm rol oynayır.
Aysel Mətləb
