Türkiyə danışıqların üçüncü raundunun tarixini açıqladı

Türkiyənin xarici işlər naziri Hakan Fidan bildirib ki, Ukrayna üzrə İstanbulda keçirilməsi planlaşdırılan üçüncü raund sülh danışıqları üçün Ankara Ukrayna tərəfindən cavab gözləyir.

TodayPress TV xəbər verir ki, nazir bu barədə Braziliyada keçirilən BRICS sammitindən sonra "TRT Haber" telekanalına açıqlama verib.

Onun sözlərinə görə, Rusiya artıq danışıqlara hazır olduğunu bəyan edib və Ukraynadan cavab gözlənilir.

Fidan əlavə edib ki, Türkiyə liderlərin görüşünü keçirməyə tam hazırdır və bu istiqamətdə heç bir texniki və ya siyasi problem yoxdur.

Türkan İsgəndərli