Tramp Ərdoğanı Qəzza üzrə Sülh Şurasına dəvət edir
ABŞ Prezidenti Donald Tramp Türkiyə Prezidenti Rəcəb Tayyib Ərdoğana Qəzza zolağı üzrə yaradılan Sülh Şurasının tərkibinə qoşulmağı təklif edib.
TodayPress TV xəbər verir ki, bu barədə Türkiyə Prezident Administrasiyasının Kommunikasiyalar İdarəsinin rəhbəri Burhanəddin Duran “X” sosial şəbəkəsində paylaşım edib.
Onun sözlərinə görə, Tramp Sülh Şurasının təsisçi sədri qismində Türkiyə prezidentinə şuranın həmtəsisçiləri sırasına daxil olmaq üçün rəsmi dəvət məktubu göndərib.
Məlumata görə, yanvarın 16-da Donald Tramp Qəzza sektorunun idarə olunması üçün nəzərdə tutulan Sülh Şurasının artıq formalaşdırıldığını açıqlayıb.
Aysel Mətləb
