Quterreş dövlət qurmağın fələstinlilərin haqqı olduğunu açıqladı
“Fələstinlilər üçün dövlət qurmaq mükafat deyil. Əksinə bu onların haqqıdır.”
TodayPress TV xəbər verir ki, bunu BMT-nin baş katibi Antonio Quterreş deyib.
"Gəlin özümüzü aldatmayaq. İsrail-Fələstin münaqişəsi nəsillər boyu həll olunmamış qalıb. Dialoq uğursuzluğa düçar olub. Qətnamələrə məhəl qoyulmayıb. Beynəlxalq hüquq pozulub. Onilliklər boyu davam edən diplomatiya uğursuzluğa düçar olub. Vəziyyət dözülməzdir və vaxt keçdikcə daha da pisləşir. Biz bu gün buradayıq, çünki biz bu kabusdan yeganə çıxış yolunu tapmağa çalışırıq", - Quterreş bildirib.
Diplomat həmçinin Fələstinin bir çox dövlət tərəfindən tanınmasını alqışladığını da vurğulayıb.
