Qazaxıstanda kəskin virus infeksiyası artır
Qazaxıstanda kəskin virus infeksiyasına yoluxanların sayı 70 minə yaxınlaşır.
TodayPress TV xəbər verir ki, bu barədə Kazinform məlumat yayıb.
Bildirilir ki, Şərqi Qazaxıstanda tənəffüs yollarının infeksiyasına yoluxanların sayı hər gün artır. Bu gün 70 minə yaxın insana ARVI diaqnozu qoyulub. Onların arasında 200-dən çox hamilə qadın var.
Ust-Kamenoqorskdakı Ana və Uşaq Mərkəzində epidemioloji məhdudiyyətlər tətbiq edilib.
Bundan əlavə, bölgədə Honq-Konq qripinə yoluxma hallarının sayında da artım qeydə alınıb. Bu gün 50-yə yaxın bu infeksiyaya yoluxmuş şəxs müəyyən edilib.
