Latviyada naməlum PUA təşviş yaratdı: NATO hərəkətə keçdi
NATO qırıcı təyyarələri Latviya hava məkanında naməlum pilotsuz uçuş aparatını (PUA) ələ keçirib.
TodayPress TV xəbər verir ki, bu barədə "News.ru" məlumat yayıb.
Məlumata görə, NATO sözçüsü bildirib ki, pilotsuz uçuş aparatı alyansın qırıcıları tərəfindən müəyyən edilərək izlənilib.
Bundan əvvəl Latviya Silahlı Qüvvələri ölkənin hava məkanına daxil olan PUA ilə bağlı məlumat yaymışdı. Hadisə ilə əlaqədar ölkənin dörd bələdiyyəsində təxminən 30 dəqiqəlik hava hücumu xəbərdarlığı elan olunub.
Hadisə nəticəsində xəsarət alan olmayıb.
Xatırladaq ki, Rusiya Xarici İşlər nazirinin müavini Mixail Qaluzin Latviyanın Rusiya sərhədi yaxınlığında PUA istehsalı zavodu tikmək planlarını təxribat adlandırıb. Onun sözlərinə görə, Baltikyanı ölkələrin bu cür təşəbbüsləri onların NATO-nun şərq cinahında rolunu gücləndirmək məqsədi daşıyır.
Jalə Rövşən
