Kobaxidze: “AB diplomatlardan vizanı tələb etməklə utancverici qərar verdi”
Avropa İttifaqının gürcü diplomatlar üçün vizasız rejimi dayandırmasından sonra Gürcüstanın Baş naziri İrakli Kobaxidze Aİ ölkələrindən birinə səfəri zamanı viza almağa məcbur qaldığını açıqlayıb.
TodayPress TV xəbər verir ki, bu barədə o, “RİA”ya danışıb.
Kobaxidzenin sözlərinə görə, gürcü rəsmilər indi vizaları adi prosedurla alırlar və o, səfər etdiyi ölkədə viza almaqda hər hansı problem yaşamayıb.
“Əlbəttə, bu, tamamilə utancverici qərardır. Lakin bu onların qərarıdır, onların hüququdur və biz bu qərara uyğun şəkildə hərəkət etməyə hazırıq”, – deyə Baş nazir vurğulayıb.
Qiymət Mahir
